Tarier de La Réunion en français, Reunion Stonechat en anglais, Reunionkehlchen en allemand, Tèktèk en kréol. Li mézir pa plis trèz santimèt, li tonm fami bann Turdidae. Sé in lespèss protézé, é i ègzis rienk dan nout péi. Bon, lé vré, li lé pa trotro gro, soman i gingn voir ali dann santié la foré, par là kat-san mèt dési le nivo la mèr, ziska nout pli gran montane, le piton dé nèz. Vèy pangar ; li lé pa tro kapon. Li yèm bien suiv bann marshèr, po souk in mièt dépin, par-si par-là. (…)