Inn dann mon bann kamarad sak la pa invant zèf bouyi i asir dvan la boutik èk in zournal. Mi dmann ali kossa na d’bon la-dan. Li fé amoin pou répons : « Mi agard pa sak na d’bon akoz sak na d’bon i agard pa moin, arienk sak lé mové i agard amoin ! » Bin kossa nana d’mové alor ? Sak lé mové, sé k’nana sinkant uit pou san bann demoun l’apré sèr z’ot sintir. Dann zournal lé marké. Pou mon par, mi pans sèr sintir la pa bon akoz i pèz lo vant avèk lo trip. Arvir la dsi si ou nana in rotour (…)