Kansa i fini avèk sa, Kansa i fini avèk pétrol-la ? Sa i sort dan la tèr, i fish an boi karant épi i sort par anlèr ousa domoun la fé bann pui ! Alors la pa in nafèr nana de tou-tan, limanité va niabou fini avèk ! Ala kozman inn anparmi mon bann dalon, sak la pa invant lo-sho i di amoin toultan. Mi konpran in pé sak li di, kan i oi dann télé koman i tir pétrol par million é par million baril dann péi ousa nana so lor noir-la. I tir si tèlman, lé difisl kroir in zour nora pi asé pou (…)