Na in dalon la di amoin konmsa, dopi li intérès kiltir La Rénion, li an apèrsoi toultan li dékouvèr in nafèr an plis : kisoi in fonnkèr koméla sansa dann lansien tan, kisoi in séga, kisoi ankor in shanté sansa inn roman. Nout péi lé jène, mé son kiltir i bouyone, konm k’i diré na poin arien pou kal ali. Zordi sé la késtionn ko-dévlopman dann la kiltir l’apré travay amoin, akoz la-dan galman i pé parl sa : akoz pa ? É lé ga ! nana bann péi kréol dann nout rézion, dann Sésèl, Moris, Rodrig. (…)