Dann in bon pé péi, demoun i soufèr la faim. I soufèr si tèlman k’zot i dsann dann shomin pou kassé brizé. Kossa i fé ? I anvoy larmé avèk la polis pou karsèr azot, é konm d’apré sak mi oi, bann gouvèrnman nana ankor lo moiyin bien nouri z’ot polis, bann sak la faim i gingn lo kou, é pa pou zoué ankor ! Sa i anpèsh pa lerop kontinié son politik pou dévlop bann karbiran agrikol : zot nana tèt dir, épi zot l’apré kalkilé dann kèk z’ané zot va tash moiyin mète ziska dis pou san so karbiran-la (…)