I prétan dir, dann dizuitième sièkl, zirof sa té i trouv an kantité dann bann zil Moluques*, é lété la Olande té i kontrol komèrs-la : banna té i anpèsh distribié boutir dann d’ot péi. Mié k’sa, konm dann l’il Ambon té i produi plis zirof lavé bézoin dann bann péi l’Érop, bann Olandé la tié tout plantasion lavé dann lo rèstan bann zil. Zot va di amoin, sa té in n’afèr dann tan lontan, koméla, zamé noré pa fé in n’afèr konmsa ! Sof ké, koméla ankor, kant in bann sosiété kapitalis i romark (…)