Lé fasil pou kozé kan sé pa ou k’i doi fé. Lé fasil kritiké galman : la lang la poin lo zo, bien sir, sa mi koné. Solman, kan mi oi tousa dézord nana dann bann komine kan i shanj lo mèr, moin lé d’avi ké lé pliské tan pou mète tout bann problèm a-plat épi oir koman i fo fé. Dabor, lé difisil konprann pou kossa déssèrtin mèr la miltipli par dé foi lo nonb pèrsonèl, sof dir zintéré la popilasion té pa son traka. Konm di kréol : poisson i pouri par la tète, lo mové légzanp i sort par an-o. (…)