Mi koné pa si zot i koné kossa i lé in z’apèl ? Bon, mi di pou sak i koné pa....Kan bann marmay lontan téi sar poz la kol pou trap zoizo, dabor inn zot téi poz z’ot baton la kol déssi in pti pié d’boi épi sak lé vréman ékipé, li amène in kaj avèk zoizo dédan. kisoi inn-dé bèk roz, kisoi inn-dé pti-kok, kisoi in pèr srin. Lo zoizo, li shant, li fé bann ti-brui, pétète ossi li kri o s’kour. Alors kan son bann dalon i antann sa, zot i vien, zot i vol-vol in pé dan lé z’alantour, apré zot i poz, (…)