Apèl ali la rak, pétrol, lèv tèt, barbo, koudsèk. Sansa lo ronm pir ou bien aranzé, vié ou bien nèv. Donn ali lo nom l’éspri kann... Mète ali sanm sitron, siro, pipèrmin, gouyavié. Anval ali ti-dousman, sansa kal ali in kou sèk, in kou mèm. Kisoi lalkol péi, kisoi lalkol déor... lé rogrétan a dir, li fé pa nou arienk lo bien, souvan dé foi, li fé anou d’tor... Dann tout kartié, moin lé pliské sir, i pé antann zistoir in boug la paryé li boir in lit la rak in sèl kou : li la boir pou vréman, (…)