In kamarad la rakont amoin in zistoir. Sa té éspas dann tan li lété in marmay. Donk dann tan-la, li la gingn in kou d’mal-o-vant, avèk l’éshofman, lo san dan la sèl étsétéri-étsétéra-la ké lo ra. Dann tan-la, de moun té i soign in pé avèk zèrbaz : té pa toultan k’sa té i fé d’byin, mé pa toultan non pli k’ sa té i fé d’tor. Donk, mon kamarad, son famiy té i done ali tizane fèy-kola, vik k’son gromèr lavé di sa in bon romèd pou marmay nana malo-vant. Mé olèrk passé, son maladi té agrav. (…)