Mi souvyin, in zour, dann zardin in gramoun l’avé léskargo. L’avé in bonpé, pou vréman. Alors, lo tantine lo boug, la déside mète la poizon pou diminyé lo bann z’agatine té i manz toute bann ti bourzon kan té i pointe solman z’ot boute né. Lo madam la fane in pé bann ti grin blé, mi arvyin pa lo nom. Konm èl la mète in pé tro, lo boug la fé romark aèl, in pé agassé, èl la fane in kantité l’assé pou tyé in bèf… Lo boug té i plézante, byinsir, mé son réfléksyon i sava pli loin k’la plézantri. (…)