Somènn dèrnyèr, nou la vi momon Tizan i domann tout fors son mari pou alé rode pou èl dolo la poin lo gou gronouy. Vi k’èl lé an voi d’famiy, papa Tizan i fé toute sak li gingn ou done aèl satisfaksyon… malérèzman, san rézilta. Boudikonte, momon Tizan i sava rode son n’afèr par èl-mèm. Èl i fini par trouv in zardin éstraordinèr avèk dolo domyèl épi tout sort kalité bon frui ni koné mèm pa. Son mari i pans nana in n’afèr la-d’sou épi i di aèl alé pi, mé son tète lé dir, èl i sava kan mèm. (…)