Mi koné pa si zot i sava souvan défoi fé z’ot bazar dann in grann sirfas. Mi pans ké oui, pars la sosyété la fé in léspès gob k’i obliz anou alé la-ba, mèm si noute porte-moné i kri tir, mèm si nout posh lé plate… é kan lé byin plate lo grann sirfas, i fé in pé krédi, konm sa ni anfons in pé plis dann l’okisité. A oui ! In grann sirfas, sa lé byin roganizé ! I mète dovan nout zyé toute produi zot i vé fé ashté anou, é sak zot i vé pa ni trouv, sa lé fouti dann in rokoin, sansa dann fon la-ba (…)