I antann partou, lo fitir-nouvo prézidann Konsèy réjyonal i sava tras in tré final déssi la MCUR. I prétan dir, sa in n’afèr demoun La Rényon i vé pa, pars lé tro si, pars lé tro sa, é patati é patata. Dèrnyé nouvèl, i prétan i sava mète lo larzan pou rofé lo Lazaret, k’i apartyin Konsèy zénéral, épi lo propriyétèr la pa plèr avèk pèrsone pou li amène son bato par li-mèm, firamézir. Mi sipoz, lo nouvo-fitir la pa byin mézir koman lé grav désizyon in pé i vé k’i pran. Mi pans zot la pa mézir (…)