Si in zour ou i gingn l’anvi vnir vizite La Rényon... si in zour ou i vé konète in pé nout listoir, mi pans nou na toute sak i fo, konm diré l’ote, pou fé fèr aou in voiyaz inisyatik. Déssi la plas la Préféktir, ou va trouv in léstatu va byin intérèss aou : sète gouvèrnèr Labourdonnais. Ou i koné, lo boug la trouv in téknik pou konbate bann zésklav té i sava maron, an donan in prime pou bann shassèr zésklav, provik’zot i armène la min bann zésklav tyé dann zot bèrtèl… épi si ou vé oir fiziy (…)