In l’ané pou Elie ? Akoz pa ! Pars nana dé san z’ané, bann zéskav la révolté dann la komine Sin-Lé é lo shèf lété in komandèr té i apèl Elie. In gran révolt zésklav épi in réprésyon inkroiyab, sa in lévènman inportan dann nout l’istoir. Donk i fo anparlé, i fo fé konète bann Rényoné koman é pou kossa sa la éspassé. Dann in péi normal, tout demoun nora gingn konète sa. Mé pa issi, pa dann in sosyété la viv la moityé son l’istoir dann rézime lésklavaz é lo rèss dann in rézime kolonyal rokoni, (…)