Parske zot la éd bann zétranzé dann pasaz malizé, nana dé boug an France la été kondané par la zistis’. Done a boir in moune la soif ; done manzé in boug la fin ; done in boug dann shomin in plas’ pou dormi ..., tousala i pé ral in moune o trou zordi ! Mersi l’UMP, mersi mésié Sarkozy. Ala donk in nouvo déli, le déli d’bonkèr. In déli sanksioné par la prizon konm ninportékel déli. Lo fèt ke, pou listan, le dé boug an kestion la été dispansé d’pène, i sanz évidaman pa gran soz dann le zafèr (…)