Si konm moin zot i pass Sin-dni, dan la ri d’Paris, par koté solèy i lèv, san koup shomin, arienk an traversan, zot i mank ar pa oir in gayar foto, an koulèr biensir. In l’afish l’EDF la pran dann kartyé Sint’Roz. Lo pli gran fèrm foto-voltaïk la France. Lo pli gran fèrm ? Sa mi koné pa, pars nana touzour kékpar in pli gran fèrm. Mé dizon, sa lé gran pou vréman, vi k’i pèrmète done kouran 23.700 kaz, anpèsh fane dann l’èr 13.000 tone gaz karbonik. Lé valab pars gaz karbonik-la sa lé pa bon (…)