Dépi dé-troizan, la-ba dann la Brotagn, dann la Frans, nana in kékshoz i apèl zalg-vèr. Sa in zanr létu d’mèr é sa i pouss partou ziska déssi bann plaj. L’èr-la, i fo tir ali souvan, défoi zour pou zour, pars sansa demoun i gingn pa anprofite la mèr. Mé la pa arienk sa ! Kan sa i pouri, mé z’ami, in lodèr inkroiyab i dégaj. Alor, i rèss aou arienk pou kouri an boushan out né. Oussa sa i sort so zalg-vèr la ? In pé i di sa bann plantèr la fote, avèk lo kargézon l’angré zot i fane, épi arzout (…)