Gramoun la bien di “torti i voi pa son ké”. É si kozman-la lé pa klèr, li razoute souvan : “krapo i kroi fé le kapor èk in bel vante”. Non, mé zot la vi èk kel sifizans Michel Vergoz i dénons’ “le sinism, larogans’ èk le mépri” ? Shé lé zot, évidaman ! “Laspiran niméro 1 dann lo parti aspiran niméro 1” va fini, in zour, par touf dann son prétansion. Mé tronp pa nou, prétansion-la lé dirizé sirtou kont nou, Rénioné !! Son soidizan kou d’shabouk kont le gouvernman i kashièt mal son volonté (…)