La vi lé shèr La Rényon. Sa lé sir ! Tout demoun i di sa. Mèm bann z’ankèt ofisyèl i amontr bann rézilta la. Mi sort lir dann in zournal i apèl “Le Figaro” tout in tralé konparézon rant bann pri dan la Frans épi bann pri La Rényon. Donk, pou viv isi, i fo plis l’arzan ké la-ba. Mé lo zournal moin la parl an-o la i di konmsa, in tyèr d’moun La Rényon i gingn bann minima sosyo. Ni koné galman, plis sinkant pour san d’moun lé dosou lo pa d’port la povrété. An parmi, na près vin pour san d’moun (…)