Toulézan, ni antan’ minm zafèr : a koz foutor, nout ban’ frui la i gagne pa sote la mer ? A koz letshi, zanana, ke nou produi an poundiak, ke toute de moune i di lé dos, i giygn pa arive an Frans ? La pa lo dé troi parade nou fé va sifi pou boush lo zié de moune. Agarde zot minm : nou produi 10 000 ton letshi, ni esporte selman 500 ton. Et la, shakin i akiz lin é lot. A koz i mète pa toute de moune otour in tab pou koz in bon kou, kom sa la Rényon va koz in sel voi, kom la fé pou sov la kan. (…)