Mi souvien dann la kanpagn pou zéléksyon réjyonal Didier Robert l’avé fé in sakré promès. Par fète, dsi la késtyonn promès, mi pans zot i koné sak défin Edgard Faure (1908-1998), in gran politisien, téi di ? Li téi di konmsa : in promès i angaj pa sak i promète, mé sak i kroi lo promès. Sanm pou moin Didier Robert i doizète in gran zélèv lo gran om moin la mark lo nom anlèr la. Donk, dann la kanpagn zéléksyon réjyonal, si mi tronp pa, li l’avé promète dis-mil anploi vèr. In sakré promès sa ! (…)