Na in pé i di konm sa, l’Erop sa in n’afèr inportan pou bann RUP, donk, vi k’La Rénion sé in RUP, l’Erop lé inportan pou La Rénion. Mé lé rar k’i di bien pou kosa lé inportan. Si tèlman ké na in pé i di, l’Erop-la, sa in n’afèr konpliké, kaziman in l’izine-a-gaz, é si tèlman konpliké k’i fo pa domann azot kouk i ansèrv pou vréman. I komans èt danzéré kan lo sitoiyin konm zot, konm moin i di li konpran pa gran-shoz dan l’Erop. Sirtou ké, lé vré, l’Erop i zoué in gran rol dan nout vi ékonomik (…)