Mi pans zot i koné Alphonse Allais ? In lékrivèr komik fransé. In boug té kapab di li la invant lasansèr tout-étaz : ou i apiy dsi bouton sé lo limèb ki désann, ou i rant out létaz épi limèb i romont. Li té kapab di galman, li la invant in tass pou d’moun goshé. Aprésa, li la di i fo konstrui bann vil dann la kanpagn... Lé bizar sak li di, pars zordi, sé la kanpagn k’i rant dan la vil sirtou pou bann z’aktivité. Pa la promyèr foi ni koz la dsi, mé shak jour ou i pé aprann nouvèl konmsa kisoi (…)