Ziska zordi, demoun sak na poin travay té i kont dsi la komine pou gingn inn-dé pti kontra. La plipar d’tan, zot té i baz dsi la komine pou dépane azot in pé tanz-an-tan. Astèr, demoun i komans konprann pliz-an-plis sé l’Éta ki okip problèm l’anploi, la pa lo mèr. L’Éta i mèt a dispozision bann komine plizièr milié kontra shak ané, moin-zan-moins dopi in sèrtin tan. Solman, la Kour réjional bann kont, kan li étidié la sitiasion bann komine, li romark bann komine nana plis travayèr k’i an fo. (…)