(Page 16) Mèm kamouflé an médiatèr, Brigite Girardin i kasièt mal son lèspri partizan dann la sitiasion an Polynésie. On diré li lé konm soulazé voir son dalon l’UMP, Gaston Flosse, pran prétèsk lokipasion batiman pou rofiz négosié ! Pourtan lokipasion bann batiman ofisièl-la i date pa ièr. Dopi le kou déta Gaston Flosse pou ranvers’ le sans’ in votaz zénéral, na rien nouvo. La popilasion i réklame in nouvo konsiltasion zénéral pou konfirm son volonté tir in tré si sistèm Flosse !! (…)