Konm in bonpé d’moun, mèrkrodi soir, moin la rogard lo fime William Cali épi Sudel Fuma dsi bann zanfann la Creuse. Konm in bonpé d’moun, moin la gingn lanvi pléré, lanvi révolté, lanvi vomir souvan dé foi. Pars lé pa posib in péi i prétan li lé sivilizé i maltrèt bann zanfan konm sa. Moin la gingn lanvi pléré, konm toulmoun, kan moin la pans lo maléré sor bann zanfan séparé par la fors, épi par lo mansonz avèk zot famiy, adopté pou sèrtin san avoir été abandoné, batizé, débatizé, robatizé. (…)