(Page 16) Nana in zafèr lé sir, bann gro patron le Medef an France va pas’ in tré bon Noël. Nora pa bézoin pri azot pou shante louanz le “divin gouvèrnman l’UMP”. Tou l’lon lané, kado la pa arèt gréné pou zot ! Le dèrnié an date i romont’ avantièr. Dann in lamandman an misouk, le minis dé finans la fé siprime linpo si bénéf bann sosiété i fé kan zot i vann zot zaksion dann dot sosiété. Disi lané 2008, sé pratikaman in miliar léro va tonm anplis’ dann zot bèrtèl. In bèrtèl plin o rabor !! (…)