Matant Zélida la ékrir Justin : Mon shèr nové, mon spès salté, rouj-de-fon dovan l’éternité, Si mi tronp pa, sé ou l’apré ékri toultan l’ilétrism sé in tar pou La Rényon. Alé pa tro vit, pars ala kosa mi sort lir dann in zournal : si lé vré La Rényon lé déyèr la métropol pou l’ilétrism, nana kant mèm désèrtin niyans i fo aporté. Inn, La Rényon lé pa tro an rotar par rapor désèrtin départman la métropol. Dé, pou bann moins diz-uit-an, si nana 27,5 pour san bann jèn ilétré, na kant mèm plis (…)