L’ariv amoin, tazantan, vant l’il Moris par rapor La Rényon dan désèrtin ka konm lo métro banna l’apré fé, konm son téléférik dann in kartyé i apèl Sèt Kaskad, konm son l’izine bio-étanol, san konté lo bio-plastik avèk fèy kann sèk mélanzé èk la vinas. Na in moun la fé romark amoin, l’il Moris l’apré gaspiy son patrimoine. Biensir la pèrsone na rézon, é lé vré, Moris la shanj in bonpé, dé foi an bien, dé foi an moin bien. Konm La Rényon osi, na sak lé bien é sak lé moin bien, mèm karéman (…)