(page 16) La shas té rouvèrte kont bann zèn Rénioné dann la vil Sin-Ni yèr. Le mouvman bann liséin la goute lo shok sanm la polis. Pou inn-dé galé lansé par dé-troi moun, toute lo pé la giny la sos. Nou di pa la violans sé in bon zafèr. Sirtou pa. Zistorézon, la polis an promié i dwa réponn in manyèr korèk, rèsponsab. Apré bann sarzèr d’lo, kont lékèl lé zèn i manifèst, lavé pa bézwin bann sarzèr lo kou. In nafèr koma lé riskab, soulèv lo marmay, lo momon èk toute lo famy déryèr. Justin