Ier moin ta pré koz ék dé troi kamarad ; pliz égzaktoman na in kamarad la prèt a moin son kamionèt Mazda po moin alé pik-nik la séksyon la Petite Ile au « domaine des relais » dan lé o, la frésèr ; konm mon loto lé an pane démarèr… navé in gro oulèr po anmné, bon brèf. Kan mi arviin rann lo kamionèt, lo kamarad Carasou tapré zoué domino la Ravine dé Kabri ; nou la koz in pé si parti kominis. Mi di a li ti wa mon papa – lé mor koméla. Li té vot Raymond Vergès ; kan son kandida i ranport (…)