Mi di a zot tout ; mi viin avoir in liv Samuel Beckett ; dépi lo tan mi antann parlé Samuel Beckett ; anfin na ankor in bonpé zékrivin mi koné zot réputasyon ; moin la pokor lir rien dzot ; ou koné lo Monn lé gran ; a nou, nou lé pti ; san konté tout listwar limanité, tout bann péi dan lo Monn, tout kiltir, tout sivilizasyon ! Par egzanp, Jacques Chirac spésialist la Chine ; anfin spésialist ou gran amatèr ; li la bokou sersé si péi la. Rogard riink si lansiin tan grék, ézipt, dir kavan (…)