Mon papa té i di souvan dé foi, dopi li nana sé konésans, li la touzour vi kane koté son kaz, bordir d’shomin. La koup kane sa lété konm marké dann son kalandriyé biolojik. Avan mon papa na in paké zénérasion galman la touzour viv avèk sa dann zot péisaz. Moin mèm mi koné sa dopi moin la rouv mon zyé. Mon zanfan, mon pti zanfan lé konm moin, konm mon papa konm bann z’ansien-z’ansien. Donk kane, sanm pou moin, sa i mor pa, sa lé imortèl isi La rényon. Mi pans la moin lé riskab ète dan l’érèr (…)