Kan moin lété profésèr an rézion pariziène, mi domann marmay kolèz si zot la fine voir in cheval ; i réponn a moin dan lo liv paz 24 ; minm lo profésèr o lié d montr in vré zo dbèf, li pran stensil alkol blé, rouz, mov, noir, li désine : os konpak, moal, tèt, os sponjieu, kanal nourisié… li tourn sa dan in diplikatèr i sort in papié par élèv, é voila koman i tourn lo sians natirèl, papié, papié, papié. Domann pa lo bann marmay lodèr in poul, in chèv, in pork, in létab, minm antr la poul é (…)