Mi sort lir dann in zournal déor in rapor la kour dé kont si lo travay o nwar an frans. Otromandi, si lo bann patron frodèr. I apèl sa la frod o kotisasyon sosial. Zot i déklar pa travayèr konm i fo, défwa i déklar pa ditou, konm in pé i déklar pa z’inpo. Dikou l’arzan i rant pi é banna i di i mank o mwin 20 miliar pou boush lo trou la séki. Dann son rapor la kour i dénons lo travay disimilé, pou nou sé travay o nwar, é tousala i éspass an frans é plito dan la konstriksyon batiman é osi dann (…)