Mi ansouvien in bout in shanté Ziskakan, té i di konmsa : « Oté démarshèr, oté volèr, asé rod sosis fri dann vant koshon ». Kosa sa i vé dir ? Sa i vé dir solman arèt profit dsi la kroiyans demoun. Asé roul de moun dan la farine, fé pran azot po d’shanm pou pla kouvèr. Sa lé vré pou manjé, sa lé vré pou la politik, sa lé vré an zénéral poutout z’afèr. Fé travay zot koko ! fé bouy zot matyèr griz ! zot va oir si rant-rant ni tonm pa dakor rantre nou.