(page 16) “Shanpion la répétision” : ala koman désèrtin zournalis RFO i voi “Témoignages” dann la revi la prèss tou lé matin. Sa i fé pans’ amoin bann de moun i lèss toultan zot zié fèrmé pou pa afronte solèy ! Mé, moukataz pou moukataz, RFO noré trèt korèkteman “Témoignages”, nout “une” noré sèrtènman été pli diversifié. Tou lé zour, bon-bon zartik toute kalité i mank pa dan nout zournal. Mé konm - sistématikman - RFO i fé linpass si sat i zène ali, fo pa li konte si nou pou fasilite (…)