Abat sé in vèrb. Sa i vé dir diminyé. I pé abat la pousyèr, doulèr, l’ardèr (kisoi sète in moun, kisoi l’ardèr solèy). Na défoi demoun na lo nèr, osinonsa i sa fé in kriz do nèr. Médikaman modèrn i pé abat in n’afèr konmsa, mé bann vyé moun té i aplik in kou d’sèrvyète mouyé é d’apré sak zot i kroi i pé kalm lo pèrsone. Abat lo nèr, sa moin la trouv dann Somi-lo mo, in liv daniel Honoré la ékri. In mine d’or pou bann zésprésyon La Rényon.