Souvan dé foi avèk mon bann kamarad, nou na diskisyon. Ni arfé é ni défé lo mond. Ni trouv solisyon pou tout sort kalité problèm, mèm sak lé pli konpliké. N’ya ka ! La pa touzour konmsa mé désèrtène foi lé aproshan. Pou kosa mi di sa ? Pars lé shoz lé konpliké, bann fo profète lé pa rar, pèr noël i pass tazantan. Donk na d’moun plito ké pans lé shoz i rézoud ar pa konmsa par in sinp klakman lo doi, i di alon fé konfyans épi na oir apré. Sa lé konm demoun i vé vni rish an zouan la lotri ! (…)