Moin lé pliské sir, si zot lé jenn, zot I koné pa kosa kozman-la I vé dir. Sa sé in kozman an rapor avèk in nos maryaz. Zot i oi touzour pa ? Figuir azot, dann tan kan l’avé maryaz kortèz, in onm téi rézèrv in dam pou braté an rantran dann l’égliz osinonsa dann la méri. Na in pé lo bra lété rézèrvé d’ofis. konm par égzanp in madam avèk son mari, in fiyansé avèk ine fiyansé, dé pèrsone i koz ansanm dopi lontan. Mé pou lé zot, kan zot té invité in maryaz i falé dir avèk kisa zot sar braté. (…)