Mi pans zot i konpran bien kosa kozman-la i vé dir ? I vé dir konmsa, na poinn sogré rant z’ami. Na poin arien ké ou i kash out z’ami é ké out z’ami i kash aou. Moin pèrsonèl, mi zoué pa èk sa ! Mon zardin ségré sé mon l’éspas rézèrvé, é mi lès pa pèrsone rant la-dan. Biensir mi di plis dé-shoz in bon z’ami, in bon kamarad osinonsa in bon dalon mé na dé shoz mi di pa. Pou kosa ? Pars moin lé konmsa. Kèl sort dé shoz ? Dabor sak i onor pa moin pars na dé shoz, dann nout vi, ni èm pa fé armont (…)