Sa in kozman lé vré pou vréman é la pa bézoin tro diskite la-dsi sof pou bate la lang initil. Mé konm sé in provèrb, i fo ni sèye konète kosa sa i vé dir pou vréman. Dann kèl ka ou i pé di so kozman-la é kosa sa i vé dir dann nout kozman. Pars lé vré pou vréman, koméla, tout z’afèr i domann so payeman : pèy pou sesi, pèye pou sela, pèye pou kék shoz épi pèye pou arien. Dann in sosyété ousa tout z’afèr nana son valèr an l’arzan, lé bon ni domann anou si na poin arien pou arien, si na poin (…)