Mi pans zot i koné lo l’ékrivin i apèl Mark Twain ? Sa té in ga la viv dann diznévyème syèk. In vré kasèr lé kui é mi pans sé li la ékri bann liv Tom Soyèr in bonpé rant nou la vi lo band désiné. An parlann son talan pou kas lé kui, ala kosa li téi di dsi la météo é moin la mark anl’èr, dann tit mon modéki. Mé koméla, la météo la fine vni in n’afèr sèryé é pliské sèryé dopi ké demoun la dékouvèr lo shanjman klimatik. La météo sa i kalkil lo tan va fé domin, sak l’été nana san t’an é plis, (…)