Dopi l’ané 2010 Paul Vergès lé pi prézidan La Réjyon é désèrtin i fé konmsi l’avé poin arien dann son program. Zot i fé mèm konmsi li l’avé paf é arien pandan son dé manda é pandan lo tan li lété an parmi bann dirijan La réjyon. Komre si i sifi éfas bann z’ordinatèr pou fér kroir k’in moun la pa fé arien, pou fèr kroir li la pa lès okin tras dsi son parkour. Dan la somenn moin la antann in bonpé d’moun l’apré anparl l’otonomi énèrzétik pou dir la plipar d’tan lo prozé NRL l’avé kine ali (…)