In foi anplis, somenn isi l’aktyalité i donn rézon nout provèrb : ni pé ankor in kou parl bann z’il komor épi Mayotte. Alon pran légzanp in moun, i égzis pa, mé i pé égzisté ; sirtou dann lo tan k’i kour. Apèl ali konm zot i vé, moin pou mon par m’apèl ali Abdallah. Kisa i lé Abdallah, sansa kisa li pé ète : Kan la fé lo zé dé z’il, Abdallah té isi La Rényon. Li la vi bann maoré, shant la marséyèz épi roul azot dann drapo troi koulèr. Pou son par, li la ramas in kou poignar dann kèr ou son (…)