La pa bézoin fé kilik-kilik pou konprann kozman-la i vé dir. Son sans lé klèr konm le lo d’rosh. An fransé nana in provèrb i di shak soz an son tan ! ». Donk I fo pa près la natir. Èl lé kalkilé myé ké ni kalkil ali : in sézon pou planté, inn sézon pou rékolté, in sézon pou arprépar la tèr. Dann la natir imène lé konmsa osi : in tan pou marmaye komans fé lo dan, in tan pou katpaté, in tan pou marsh debout. Sa lé ékri sa dann gran liv la vi. Lo kozman i amontr anou k’i fo fé lé shoz dan l’ord (…)