Mi souvien, in zour dann la fète témoignaz, mon papa té i vann morso kann épi li téi shant an mèm tan, in rofrain zot i doi konète. Rofrin-la téi di konmsa : Kane mapou, kane mapou, kane mapou lé dou ; kane bonbon, kane bonbon, kane bonbon lé bon. Si mi tronp pa sa i shanson Fourcade la fé lo bann parol é pétèt Fossy la fé la mizik. Donk, mon papa téi vann kane é oila pa k’in moun i di ali lo kane la pa bon é li réponn toutsuit, vap dsi vap, sak moin la mark an-o-la. O fon, mi pans lé vré (…)