Matant Zélida la ékrir justin : Mon shèr nové, mon spès salté, rouj-de-fo, dovan l’étèrnité, kosa mi antann ? Kosa moin la lir dann z’ot torshon ? Zot noré, d’apré sak i paré vinn-sink propozisyon pou mète La Rényon anlèr é mèm k’in propozisyon sé la résponsabilité. I fo nou lé résponsab, mé résponsab de koué kan ni dépann La Frans épi l’érop pou tout z’afèr : kisoi lo manzé, kisoi pou songn demoun, kisoi pou la lang, l’édikasyon é tout lo tranbléman. Dizon bann rouj sé in bann z’anfan (…)